No.2006/2021-2022
26th August, 2021 : Nizan (August 25, 2021) khan Legal Metrology Enforcement, Mizoram Tobacco Control Society (Health Department) leh Mizoram Police tangkawp chuan Falkland, Aizawl-ah dan phal loha Myanmar lam atanga lo lut Contraband Cigarette thahnem tak an man a. An man zawng zawng hi cigarette pack (bawm) 11,910 a ni a, Aizawl market rate ah Rs 7,14,600/- hu a ni. Heng bungrua neitute pahnih, Pi Lalramhluni leh Pi Lalrinngheti, Falkland veng, Aizawl te chu Section 18 of the Legal Metrology Act, 2000 leh Rule 6 of the Legal Metrology (Packaged Commodities) Rules, 2011 hmangin thubuai siam sak an ni.

Legal Metrology hotute chuan Ram chhunga bungrua fun chite hi mahni thua siamchhuah, fun (pack) leh hralh ngawt theih a ni lo tih an sawi a. PC Rules hnuaiah Sec 6 in a sawi angina a Bungraw funna pawnah hian heng - A bungraw hming, a rih lam/tam lam te, a siamchhuah hun, a siamtu address kimchang, a man (maximum retail price) fel takin a inziak thlap tur a ni, an ti a. Hei hi declaration tih a ni a, hemi a dik leh dikloh hi enfiah thin a ni a. A man ( maximum retail price) aia tama hralh te pawh phal loh a ni tih sawiin .Heng dan zawm thlapte hnen atang hian sorkarin chhiah ( Tax) a la thin tih an sawi bawk.

Legal Metrology hotute chuan hetianga uluk a ngaih avang hian a siamchhuah atanga a hralh thleng hian sorkain a control a. Hemi atan hian The Legal Metrology (Packaged Commodities)Act, 2000 hi tunah hman mek a ni, tih sawiin, phalna pek chauh lohte chu ram dang atanga thil fun chi lak luh leh zawrh pawh khap tlat a ni.

Contraband cigarette hian a chunga tarlan PC rules hnuaia dan hrang hrangte an zawm lova, chhiah pawh chawi lovin hriselna atan danin a phut pawh an nei lo a, khawchhak atang dan phal loha bungraw lo lut tam tak karah thil tha lo, ruihtheih thil etc lo luta rinhlelh a nih bawk avangin sorkarin a ngai pawimawh hle a ni tih an sawi a ni.

Legal Metrology chuan thuchhuah siamin dan phal loh thil hmanga sumdawng lo turin sumdawngte a ngen a. Dan phal loh bungruate hi a phurtu leh a lo kawltu thlenga hrem theih a nih avangin harsatna awm thei pumpelh turin mitinte a ngen a ni.