2607/2022-2023
Mizoram sawkar hnuaia Taxation Department chuan an Department Auditorium-ah vawiin chawhma dar 11 atangin Contractor te tan GST Awareness Campaign an buatsaih.

Additional Commissioner of State Tax Pu R. Zosiamliana chuan thusawiin GST chu ‘One nation One tax’ tih a nih tawh avangin State mal tan duh duh a chhiah pek dan lo tihdanglam emaw, a rate lo tihdanglam pawh a theih loh thu a sawi a. Tun hnaia Contractor te chhiah pek tur 12% atanga 18% a tihsan pawh ram pum huap a nih thu a sawi a ni.

Contractor te chu Pu C.Vanlalchhuana leh Pu Hrangthanmawia State GST Nodal Officer ten zirtirin zawhna leh chhanna hun tha tak an hmang a. Taxation hotute chuan Contractor te chu an account uluk taka vawng a, GST Registration nei ngei hnen atanga bungrua lei thin tur te, I.T.C claim ngei thin turte, Sawrkara atanga an pawisa dawn tur atanga 2 % deduct tir thin tur leh Department ten an deduct tawh pawh sawrkara an chhun ngei leh chhun ngei loh pawh uluk taka vil turin an zirtir a ni. Taxation hotute hian Contractor leh sumdawng harsatna neite chu an hnena kal tur leh lo tanpui an inhuam reng thu an sawi bawk.

He hun hi Pu Lalthansanga, Joint Commissioner of State Tax chuan a kaihruai a, Contractor mi 80 vel an tel a ni.