2608/2022-2023
Siaha, the 10 March, 2022: Krishi Vighyan Kendra (KVK) Siaha bultumin JAl Shakti Abhiyan Mela. neih a ni.

He hun hi Dr.H.Vanlalhmuliana , Senior Scientist and Head KVK Siaha chuan kaihruain, Pu HC. Lalmalsawma Zasai, Dy.CEM, MADC ,Siaha chuan khuallian niin hun a hman pui.

Pu Lalmalsawma Zasai chuan thu sawiin, KVK in kan district Agriculture lama hma kan sawn theih nana an hmalakna hrang hrang te chu ropui a ti thu sawiin, kan district-a lo, leilet leh huan siam ten KVK a kan mithiamte rawnna chang an hriat a pawimawh thu tarlangin, KVK bakah concern Agriculture leh Allied dept hrang hrang te leh kuthnathawktu te an tan ho thiam chuan kan district hian thlai leh sa-ah kan intodelh thei ngei a beisei thu a sawi. Chutianga thawhhona tulzia hre chunga hma la zel turin kalkhawm te a chah hlawm a ni.Pu Zasai chuan Agriculture and Allied Department ten Stall an siam hrang hrang a tlawh nghal bawk.

Vawiin hun hman-ah hian Loneitu hmun hrang hrang atang a lo kal ten an thlai leh pangpar te phochhuahna hun an hman bakah, Agriculture and Alllied department zawng zawng ten stall hawng ve theuh vin, an thlai leh ranvulh atanga tharchhuah te bakah hmanrua( equipments) te an phochhuak a. Mela chhimtu mipui ten Mela a pho chhuah thlai leh thildang te an leisak nghal bawk a ni.

He hunah hian Pu NT.Jevis, SDO PHE , Siaha in Rain water harvesting for village water supply/irrigation" tih thupui hmangin Power point presentation a pe a, kalkhawm ten an hlawkpui hle.

Pi J.Vanlalhluzuali, Subject Matter Specialist (Agricultural Extension), KVK Siaha pawhin Tui ren leh khawl khawm dan zirtirna a pe bawk.

Vawiin hun hi Dr.Lalzaidami, Subject Matter Specialist (Animal Science) chuan lawmthu sawiin hun a khar ta a ni.