Vawiin khan Cooperation Minister Pi Vanlalawmpuii Chawngthu chuan Cooperation Officer, Staff leh Federation Board Chairman te Meeting a Office, New Secretariat Complex-ah a neih pui.

Minister chuan Federation te chu intihchak tawn a ngaih thu leh thalaite thleng phak thuchhuah leh advertisement te pawh chhuah fo turin a ngen a. Digital Media te pawh hmang tangkaia, hmasawnna phochhuah te hi thil tih pawimawh tak a ni, a ti a. Tangrual leh indawr tawn thiam tak tur te pawhin Federation te chu a ngenin, mipui rawngbawltu annihna hrereng turin a chah bawk a ni.

He meeting-ah hian Federation Chairman 11 zingah Chairman 9 te an kal a, tun dinhmun leh hmasawnna an neihte leh an harsatna te Minister hnenah hian an thlen a ni. Federation zingah Mizoram Women Cooperation Federation Limited (WOMENFED) chuan board member nominee an neihloh avangin Federation aiawh annei lo a, Minister chuan heihi ngai pawimawhin WOMENFED Board din thar leh a rel  a ni. Durtlanga Bawng Vulh, current in a man hlumte chhawmdawlna atan NLUP atangin hmalak ni se tih rel a ni bawk a ni.