2400/2025-2026

Dated Aizawl: the 26 Nov 2025 : Vawiin khan Cooperation Department changtu Minister Pu PC Vanlalruata hovin Mizoram State Agri, Horti, Forestry and Marketing Cooperative Federation Ltd (MAHFED Ltd) leh Bharatiya Beej Sahakari Samiti Ltd (BBSSL) te chuan  Cooperation Minister Office chamber, MINECO-ah thawhhona thuthlung  (Memorandum of Understanding) an ziak a. MoU hi MAHFED aiawhin Pu H. Vanhlupuia, Managing Director MAHFED Ltd. leh BBSSL aiawhin DR. Omveer Singh, Adviser BBSSL te chuan  an sign ani.

BBSSL hi India ram pumpui a thlai chi buaipuia ram pawn thlenga thawn chhuak  thin an niin, National Cooperative Society an ni a, an ni hian thlai chi tha supply turin Cooperation department kal tlang in Nodal Agency a thlan an nih angin MAHFED te nen hian an thawkho dawn ani.

Vawiina thawhhona thuthlung hi Registrar of Cooperative Societies Pu John LT Sanga kaihhruaina hnuaiah Minister hriatpuinain sign a ni a. He hunah hian  Agriculture Department Secretary Pi Ramdinliani leh Horticulture Department Secy Pi Maria CT Zuali te bakah Agriculture leh, Horticulture Department hotute  leh Cooperation Department,   Chairman MAHFED Ltd, Vice Chairman MAHFED Ltd, Manager MAHFED Ltd te leh official dangte an tel a ni.