3295/2022-2023

Aizawl 18th Janaury 2023: Vawiin khan Cooperation Department Minister Pu C.Lalrinsanga hovin Mizoram Co-operative Development Council (MCDC) chu a vawikhatna atan CS Conference Hall, MINECO-ah an thu khawm.

Cooperation Minister leh MCDC Chairman ni bawk Pu C. Lalrinsanga chuan Cooperative Movement nasa zuala kalpui hi sawrkar laipui duh dan leh ram hmasawnna rahbi pakhat a ni a a ti a. Mimal hlawkna ni lo, a hu hova hlawkna leh thawhhona a keng tel a, chu chuan ei leh bara intodelhnaah nasa leh zualin ram mipuite a pui dawn a ni tiin a sawi a. MCDC din a nih chhan chu mipuiin chanvo tha an neih nana hmalak a ni tih sawiin cooperative movement chu a te ber atanga lian ber thlenga inkhai rualna movement a nih tlat avangin Cooperative Council hmalaknaah hian thui tak hmasawnna a innghat a ni tiin a sawi.

He hunah hian cooperative societies hrang hrangte dinhmun leh an hmasawnna te sawiho a ni a. Primary Agriculture Credit Societies (PACS) 38 te hnenah mimal tin ten health insurance leh life insurance chungchang an hmelhriat nan awareness campaign neih ni se tih a ni a. MCDC in Mizoram Budget hnuaiah Provision a neih nan hma lak ni thei se tih chu pawm a ni a. Social Welfare leh Tribal Affairs Department kaltlanga Federation hrang hrang tana project an thehluh tawh chu a rang lama bawhzui ni bawk se tih pawm tlan a ni.

He hunah hian MLA te Dr. Z.R. Thiamsanga leh Dr. Vanlalthlana te leh midangte an tel a ni.