No.6994/2020-2021

Vawiin khan Cooperation Minister Pu C. Lalrinsanga hovin a chenna bangla ah State Level Co-operative Society – MIZOFED, MAHFED leh Mizoram Cooperative Apex Bank te chuan Vegetable & Fruits Supply Chain ruahmanna kal mek chungchangah meeting an nei.

Meeting-ah hian Cooperation Minister Pu C. Lalrinsanga chuan kan tapchhak zawla kan nitin mamawh thlai leh chawhmeh te hi State pawn atanga kan chawk luh nasat em avangin harsatna lian tham lo tak pawh lo thleng se mipuiin man to tak tak a thlai leh chawhmeh kan lei a ngai zel mai a. Hei hi Sawrkar chuan a ngaimawh hle a, chuvangin Supply Chain mumal zawk buatsaih a, mipui ban phak a awlsam leh man man zawk a thlai leh chawhmeh chhawpchhuah hi tul kan ti a. Chu chu Cooperative Society movement hmanga kalpui hi tha kan ti a. Chutiang tak tur chuan tunah hian chak taka ruahmanna hi kalpui mek a ni, a ti.

Cooperation Minister ho hian mumal zawk a Vegetable & Fruits Supply Chain hi Sawrkar ruahmanna hnuaia kalpui tum a ni a. Hemi atan hian State Level Cooperative Society hrang hrang te tang kawpin Minister in ruahmanna a siam angin Vegetable & Fruits Supply Chain Committee din a ni. He Committee hian tum engemaw zat meeting nei tawh in ruahmanna hrang hrang an duang mek a, hmalakna leh hmasawnna awm ang te thlirletna vawiin khan Cooperation Minister hovin an nei a ni.  Vegetable & Fruits Supply Chain mumal leh changtlung tak nei a Cooperative Society movement ang a kal pui tur a ruahman a ni.  Vawiin a Minister hova meeting chuan Supply Chain atana project changtlung tak siam turin ruahmanna an siam a ni.

Meeting hi State Level Cooperative Society pathum te Chairman leh Managing Director te bakah Pu Lalrinsanga, Registrar of Cooperative Societies leh Officer dang te an tel a ni.