No.6995/2020-2021
Mizoram Samagra Shiksha hnuaia thawkte hlawh August 2020 atanga pek theih loh chu an hlawh tur tihfel a ni a, Krismas hma ngeia pek tum a ni.
Samagra Shiksha hnuaia thawkte hian Krismas hma ngeia hlawh an lak theih nan School Education Minister Pu Lalchhandama Ralte chuan theih tawp chhuahin a buaipui a, Mizoram sorkarin State Matching Share pek tur a neihte pawh pek fel vek a ni a, chumi hnuah pawh hun rei tak Central-in hlawh tur hi a rawn pe mai thei lova. 18.12.2020 khan sanction order a lo thleng ta a, thil tul leh pawimawh buaipui nghal a ni a, 21.12.2020 khan RBI chuan Mizoram account-ah a rawn chhunglut thei ta a ni.
Vawiin chawhma lam khan Mizoram Sawrkara Finance Department-ah expenditure sanction tihfel a ni a, draw phalna pawh neih a ni a, vawiinah District Project Office ah chhunglutin Primary atanga Higher Secondary School zirtirtute account-ah August atanga December thla thlenga an hlawh hi Krismas hma ngeia chhun luh a ni ang
State Project Office, Samagra Shiksha chuan zirtirtute hian Krismas hma ngeia hlawh an lak theih nan District leh Block tinte chu lo inring lawk vek turin a hriattir a, hmun hrang hranga hlawh buaipuitute pawh an inpeih fel vek tawh a ni.
