4807/2025-2026

Dated Aizawl, the 12th March, 2026: Vawiin khan Pu P.C. Vanlalruata, Minister, Cooperation Department, etc. chuan Mizoram Secretariat, MINECO-a a Office Chamber-ah Cooperation Department logo thar leh Mizoram State Cooperative Policy a tlangzarh.

Cooperation Minister Pu P.C. Vanlalruata chuan thu sawiin, department dangte nena thawhhona tha neih a pawimawhzia a tarlang a. Commissioner & Secretary cooperative society lama tui mi leh hna thiam tak an nei chu vanneihthlak a tih thu a sawi bawk.

Pu Udit Prakash Rai, Commissioner & Secretary, Cooperation Department chuan logo leh policy chungchang report pein, cooperative society-te chuan department hrang hrang kaihhnawih hna an thawh thin avangin Cooperation Department chu Mizoram sawrkar department dang zawng zawng nena inthlunzawm tlat a nih thu a sawi a. Mizoram mai ni lo, India rama sawrkar department changtlung ber leh tha ber ni tura tan la turin a fuih a ni.

Tlangzarhna hun hi Pu John L.T. Sanga, Registrar, Cooperative Societies-in kaihruaiin, Minister kaihhruaina hnuaia Cooperation Department-in hma a sawn nasatzia a tarlang a. Tun Assembly Session-ah pawh tum dang aiin Cooperation chuan sawi a hlawh thu leh State Cooperative Policy pawh India ram pumpuiah state pathum chauhin an la neih thu a tarlang bawk. Pu Lalmalsawma, Joint Registrar, Cooperative Societies-in lawmthu sawiin hun a khar a ni.