Vawiin chawhma khan Aizawl Art Gallery & School of Fine Art buatsaihin ‘Painting Exhibition, 2018’ neih a ni a. He exhibition hi khuallian Minister of Cooperation, Sericulture etc Pi Vanlalawmpuii Chawngthu chuan a hawng a ni.
Pi Vanlalawmpuii Chawngthu chuan thusawiin thalai ten lemziaka hma an sawn chu ropui a ti a. Ram changkang leh hnam changkang ten lemziak hi an ngaisang hle tih a sawi. Aizawl Art Gallery & School of Fine Art leh Mizoram Youth Commission tangkawpin a thalai lemziak thiam chawikang nana hma an lak tawh thin thu te tarlangin, thalaite talent haichhuah leh chawm chu sorkarin a ngaih pawimawh thu a sawi. Minister chuan harsatna alo awm chang pawh a beidawng lo turin leh dik tak leh rinawm taka eng kawngah pawh thawh zel chu hlawhtlinna bul a ni tiin zirlai te a fuih bawk.
He painting exhibition-ah hian theme hrang hrang – Mizo Culture pho lanna, Sakhua-na lam pho lanna, Nungcha-te humhalhna leh Abstract Painting hmuh theihin a awm. Lemziak thiam sawmpathum (13) ten an lemziak sawmriat (80) an pho chhuak a ni.
