980/2022-2023
Aizawl, the 21st June, 2022 : Pu C. Lalrinsanga, Cooperation Minister hovin vawiin khan Mizoram State Cooperation Union (MSCU) Annual General Conference vawi 33-na chu Synod Conference Centre ah neih a ni. Pu K. Lalchamreia, President, MSCU inkhawm hi a kaihruai a ni.

Pu C. Lalrinsanga chuan Cooperative Movement hi movement pawimawh tak a ni tiin mahni tan mai ni lovin, midangte hamthatna tur pawh ngaihtuah tel a, midangte tan ti a Cooperative movement kan kal pui zel chuan hlawhtlinna tluantling kan hmu ang tiin Cooperative Movement a hlawhtlin hian ram economy pawhin hma a sawn a ni a ti a. MSCU hnuaia Society hrang hranga member te chu hmasawnna nei turin tanrual a thawhona tha neih a tul hle a ni a ti.

Minister chuan mahni chauha tih theih loh thil tam tak hi midangte nen a thawhhona atang chuan a tih theih a; hlawtling tak tak tur chuan rinawmna leh taimakna a pawimawh thu a sawi.

Chawhnu lamah rorel hun hmangin Annual Report 2019 - 2020; 2020 - 2021, Annual Audit Report 2019 - 2020; 2020 - 2021, Amendment of Bye- Laws sawihona neih a ni.

Mizoram State Cooperative Union hi ni 29.03.1975 khan din a ni a, khatih hunlai khan Assam State hnuai Aizawl District Registrar of Cooperative Societies (ARCS) enkawlna hnuaiah din leh bul tan a ni. Mizoram chhunga Cooperative Siciety hrang hrang te hnena zirtirna pe turin MSCU hi din a ni a, Mizoram Sorkar atang leh National Cooperative Union of India (NCUI) New Delhi atanga training-na tur sum a hmu thin. Kum kalta chhung khan MSCU chuan Cooperative chungchang a in zirtirna - District Level Seminar/Training te, Refresher Course Training te, Leadership Development Training, Village Level Education te a kal pui a ni.