Assistant Registrar Cooperative Society Office Building thar chu vawiin  khan Pu JH Rothuama Minister Cooperative chuan a hawng.

Office Building hawnna inkhawm  hi Pu Lalpekliana RCS in a kaihruaia, Office hawngtu Pu JH Rothuama Cooperative Minister chuan thu sawiin, Election Manifesto a kan lo tlang au pui tawh angin Cooperation in hma alo sawn theih nan Development Council kan siam ang kan lo ti tawh a, chu chu tun ah tih hlawhtlin tawh niin chutah chuan tawp mai lovin Cooperation in hma asawn zel nan nasa zawka hmalak na kalpui zel a ni a ti a, vawin a Office thatak hawn a ni thei ta chu lawmawm a tih thu sawiin a thawktu te an pawimawh dawn thu leh in thlahdah tak a thawh chi a nih loh thu kal khawm te hi a chah nghal a ni. Pu Rothuama chuan Office dawrtu mipui te pawhin khua leh tui tha nih kan zir a ngaih thu a sawi a, Sorkar atang a tanpuina kan dawn ang te hi hlawhtlin pui ngei tur a kan hman tangkai a ngai a ni, a ti bawk. Sorkar laipui lam a tangin Mizoram Cooperative Society hman a tan Rs Vaibelchhe 2 leh Nuai 40 pek kan ni a, heng te pawh hi a Society hmasawn nan a hman theih thuai tur a ruahman a ni, a ti bawk.