Vawiin  khan YMA Sub-Hqrs Lunglei buatsaih in Ruihhlo halralna hun hman a ni. Ruihhlo halralna programme hi Lunglei Zotlang Petrol Pump bul ah buatsaih a ni. Pu K.Lalfakzuala Vice President YMA Sub-Hqrs kaihhruai Ruihhlo halral inkhawm ah hian Khuallian ni a hmanpuitu Pu JH Rothuama Minister Excise & Narcotics Deptt. chuan thu sawiin Mizoram hi ruihhlo in a paltlang nasa hle a, Kohhran leh Tlawmngai pawl hrang hrang te pawh kan tanrual hle a ngai a ni, a ti.

Pu Lalrotluanga Secy YMA Sub-Hqrs in Report pein YMA Sub-Hqrs chuan theihtawpin ruihhlo do a kalpui mek thu sawiin, kumpuan Committee kaltlang a din SADS te hmalakna a heng ruihhlo te hi man an nih thu a sawi. SADS ten an thil man vawina halral tak te hi Rs. 10,75025.00 man hu niin Parvon Spas, Rakzu, Sapzu, Alprozolum, Nitrozopum, Ganja leh BEDE (Burma zu) te an ni.