2422/2022-2023    
Aizawl, the 25th October : Vawiin khan Dr. Lalhriatzuali Ralte IAS, Deputy Commissioner leh Chairman, Coordination Committee on Management of Aizawl City (CoMaCi)/ District Disaster Management Authority hovin Deputy Commissioner Office Chamber ah Vaivakawn Traffic Point - Hunthar peng lei tla hniam laia SIPMU hna thawh kal mek a tui pipe kal dan tur te sawiho a ni.

Vawiin meetingah hian helai kawng peng thuam lei tla hniam hmuna tui pipe phum hun tur leh phum dan tur ngaihtuah a ni a, pipe phum hun chhung a mipuite tan a harsatna siam tlem thei ang ber a hnathawh dan tur te sawiho a ni.

Meeting-ah hian Senior Superintendent  of Police  Aizawl, Senior Superintendent of  Police Traffic, Program Director leh SIPMU, PWD, PHE, AMC, UD&PA, DM&R, Geology & Mining, BSNL aiawhte an tel a ni.