2421/2022-2023
Mamit 25th October, 2022 : Vawiin khan DC Conference Hall, Mamit-ah Pu Lalnunhlua, District Bawrhsap hovin District Level Organising Committee on "Zoram Harh rawh" Campaign thutkhawm a ni a. He Programme kaltlanga Mamit District chhung YMA Branch tinte Mizo hnam lam, Folk song, Hlado leh Mizo hla inphuahsiak hmanga inelna kalpui dan tur sawiho a ni.

Meeting hian Mizoram State AIDS Control Society leh Central YMA tangkawpin kan rama HIV/AIDS lo hluar zelte dona kawngah leh a vei mekte pawhin enkawlna tha zawk an dawn theih nana hmalakna, District Level-a inelna buatsaih tur meeting hmasa-in a lo rel tawh chu thlirletna neih niin, inbuatsaihna kalpui tawh leh hmabak la awmte sawihona neih a ni bawk.

Mizo hnam lam, Folk song, Hlado leh Mizo hla inphuahsiak hmanga inelna hi Chhimveng YMA Hall-ah November 17-18 chhunga neih tura ruahman niin he inelna-a tel turte hi October ni 31 thleng in-report theih a ni.

District Level Organising Committee on "Zoram Harh Rawh Campaign" Committee chuan he inelna tel tur hian YMA Branch tinte chu lo inbuatsaih tura ngenin Lawmman pakhatna hian Rs. 50,000/- an dawng dawn a, Pahnihna-in Rs. 30,000/- leh pathumna-in Rs. 10,000/- bakah Consolation Prize Branch pahnih tan Rs. 5,000/- leh a tel zawng zawng tan Rs. 1,000/- a ni ang. State Level inelna hi December ni 1-ah Dawrpui Multipurpose Hall-ah neih a ni dawn a ni.

Meeting-ah hian District Level Organising Committee on "Zoram Harh rawh Campaign" members te an tel tha hle a ni.