3512/2022-2023

Aizawl 7th February 2023: Aizawl khawpui hmasawn nana hmalakna hrang hrang te rualkhai taka thawh a nih theih nana mawhphurtu Coordination Committee on Management of Aizawl City (CoMaCi) chu vawiin chawhnu dar 1:30 khan Chairman Dr Lalhriatzuali Ralte, IAS, Deputy Commissioner, Aizawl District hovin DC Offce Chamber ah an thukhawm a, Aizawl mipui tui in tur tam zawk pekna tur Augmentation of Aizawl Water Supply Scheme hnuaia Water Treatment Plant for 37 MLD siam nana Hunthar peng atanga Chanmari West kawnga, SIPMIU-in Tui lakna tur Pipe phum dan tur an buaipui mek chungchang sawiho a ni a, meeting hmasa lo rel angin a hmunah Joint Inspection te neiin enfiah a ni a, helai hmun hi lei che thin a nih avangin fimkhur taka hmalak ngai chi te a nih avangin zau zawka ngaihtuah a nih theih nan SDMA ah thlen ni se tiin rel a ni.

Chairman Dr Lalhriatzuali Ralte chuan Aizawl khawpui hmasawn nana hmalakna chi hrang hrang te chu insu buai lova rualkhai tak leh mumal zawka kalpui a pawimawh tiin Department hrang hrang ten hma an lakna inhriat tawna thawh tlan tul a tih thu a tarlang a, khawpui kawngpui tihnawk zawnga bungrua leh motor dah thin te chuan mipui tan harsatna a thlen thin avangin kawngpui humhalh a nih theih nan PWD leh AMC te pawhin uar zawkin lo vil se la, hemi kawnga chak zawka bawhzui a nih theih nan lo zirchiang turin Addl D.C., SP Aizawl, SP Traffic, PWD leh AMC te ruat an ni.

Vawiin CoMACi meeting ah hian AMC, UD&PA, DM&R, SP Aizawl, SP Traffic, PWD, P&E, PHE, SIPMIU, Land Revenue & Settlement, Geology & Mining, I&PR, leh BSNL officials te an tel a ni.