Nimin khan Transport Minister Pu P.C. Zoram Sangliana hovin a office chamber-ah Aizawl Traffic Jam chungchang leh Taxi in tlanchhawk chungchang ngaihtuahin Co-ordination Committee on Traffic Management an thukhawm.
He Co-ordination Committee hian ngun takin Aizawl khawpui chhunga Traffic Jam tamna chhan leh a tih ziaawm dan kawng hrang hrangin an thlir ho a. Aizawl khawpui chhunga Traffic Jam nachhan hrang hrang zingah a mawhphurtu lian deuh deuh awm thei Driver ten Traffic Rules an bawhchhiat nasat vangte a bik takin Two Wheeler khalhtute zingah dan an ngaihsak loh vangte a ni a. Chu bakah chuan Parking hmun hma tha neihloh vang leh kawngpui kama Motor park thin ten harsatna an siam nasat dante an thlir a. Iron Rod leh thingzai leh mau zuarte thlengin Motor kaltluang an tih buai theih dante an sawi ho a.
Heng harsatna hrang hrang te lo enfiah a lo chingfel turin DC leh Transport Department ten hma lak tul ang angte lo hma nghal se an ti. Aizawl City Plan UD&PA in an buatsaih mek ah remchang laia Fly Over siamte leh khawpui chhunga Motor Parking zau leh thawl tam tawk siam te rawtna thlen nise an ti bawk.
Taxi intlanchhawk chungchang pawh an sawi ho leh a, amaherawh chu anmahni duh dan angin tunah hi chuan an vaiin la tlan rih maise an ti. Amaherawh chu Driver te Public Service leh a bikin Two Wheeler khalhtute Special Training pek leh nise; Association leh Trafic lamte in rawnin lo bawhzui se an ti bawk.
