No.2652/2021-2022
Aizawl 20th October, 2021 : Core Committee of SVEEP, Aizawl District chu vawiin khan Additional DC Pi K.Vanlalruati kaihhruaiin DC Conference Hall-ah thutkhawmna an nei a.

Thutkhawmna-ah hian Aizawl District chhunga SVEEP hmalak tawhna hrang hrang thlir ho a ni a, E-epic awareness video siam tawh thu ngaihthlak a ni a, Electoral roll form online a dilna app siam a nih thu leh mipuite hriat atan thehdarh a nih dan leh Special Summary Revision chungchang inhrilhhriatna video siam chu DDK, LPS leh Zonet-ah te a remchan dan anga tihchhuah tum a nih thu te ngaihthlak a ni a.

SVEEP hmalak mekna kal zelah hian election chungchang video making competition, slogan writing competition, essay writing competition te buatsaih a ni a, thehluh hun chhung atan tunthla tawp ni 30th October thleng hawn a ni a, hemi competition a tel turin a duh apiang an sawm nghal bawk a, essay writing competition-ah a bikin Higher Secondary leh College student te an sawm bawk a ni.

Aizawl District chhunga Special Campaign Day atan November ni 5 chu remtih a ni a, hemi ni hian SVEEP hnuaia competition hrang hrang buatsaih te lawmman semna bakah hemi ni hian BLO tin ten an bial chhunga rualbanlo te (PwD) an chenna ah panin electoral roll form fill up sak leh a tul apiangah transfer, hming ziah dik tir leh tuldangte an tihsak dawn a ni.