No.2651/2021-2022
Aizawl 20th October, 2021 : Vawiin khan DC Conference Hall, Mamit-ah Core Team Meeting on Skill Development Framework, Mamit District chu an Chairman Dr. Lalrozama, IAS, Mamit District Bawrhsap hovin thutkhawm a ni.

Meeting-ah hian Covid-19 hri leng avanga Migrant Workers, kan District-a in-report mi 127 te tana Training buatsaih tur chungchang sawiho a ni a. Tun dinhmunah Piggery Farming leh Cement Mistiri chu training theih tura chhawpchhuah niin Piggery Farming-ah mi 20 leh Cement Mistiri-ah mi 40 tan training buatsaih a ni dawn a ni. Training te hi stipen pek thin an ni dawn a, Piggery Farming hi Ni 15 chhung training neih tur niin Cement Mistiri hi Ni 45 chhung Training tura ruahman a ni.

Training hi November Ni 1 atanga December Ni 15 thleng neih tura ruahman a ni bawk.

Vawiin thutkhawmah hian Core Team Meeting on Skill Development Framework members te an tel tha hle a ni.