Vawiin chhun dar 12 ah tanin Directorate of School Education, Conference Hall-ah Core Committee on Adolescence Education Programme neih a ni. He committee meeting hi Pi Esther Lalruatkimi, IRS, Chairman, State Core Committee on Adolescence Education programme in a kaihruai a ni. Chairman in member te hnenah lawmthu sawiin self introduction a neih tir theuh a ni.
Chairman remtihna in MSACS lam in AEP awmzia leh thil tum sawifiahna an neih hnu ah SCERT atangin Project Co-ordinator in kum 2010-2011 chhunga hna a lo thawh tawh dan te report a pe. He mi kum chhung hian district pali (4) Kolasib, Mamit, Aizawl leh Serchhip ah te Nodal Teacher 177 ah Peer Educators 62 te hnenah training an pek thu leh hemi atan Rs. 3,57,717/- sen a nih thu report a pe. Adolescence Education programme hian a focus chu Cl-IX leh Cl-XI zirlai te an ni.
Kum 2011-2012 chhung hian School 545 leh NACOin a pawmpui School 25 tuam tum a ni. Hemi atan Rs. 5.7 lakhs ruahman a nih thu ngaihthlak a ni. Chairman remtihna in sawi zauna neih a ni a ; he programme hi a pawimawh em avangin class cover pawh tihzauh nise Middle school chin tal huam nise committee chuan a ti a ni. Tin, he zirtirna pek chungchangah hian department leh NGO te tang hovin zau zawk a hma lak nise tih a rel bawk. Naupangte hi kan rohlu an nih rualin kan phurrit an nih theih bawk avangin committee meeting chuan Sub-Committee siam in awmze nei takin zirtirna pek chungchangah hmalak nise a ti. HE AEP hi MSACS leh SCERT tangkawp a hmalakna a ni.
