Vawiin chawhnu dar 12:00 khan DC Conference hall Lunglei ah naupang huaisen Laldinthara, Chanmari leh midang chhan nan a nunna hlantu tlangval huaisen Lalchhandama Pachuau (L), Rahsiveng te chu chawmawi an ni .Heng mi huaisen te hian India President in naupang huaisen te chawmawina Uttam Jeenam Raksha Padak award 2010 leh Jeevan Raksha Padak award 2010 Lunglei DC, Pi M.Zohmingthangi IAS kaltlang in a dawng.Laldinthara hian Jeevan Raksha Padak chawimawina thuziak leh tangkapui leh Rs. 30,000/- dawngin nunna chan ta, Lalchhandama Pachuau hian Uttam Jeevan Raksha Padak chawimawina thuziak, Tangkapui leh Rs. 45,000/- a dawng thung.
Lunglei DC chuan lawmman leh chawimawina te hi a hlu a, heng lawmman chi hrang hrang zingah huaisen vang leh midangte chhan nan a nunna hial pawh chan leh channgam te chawimawina chu a ropui bik ani ati. Mipa naupang Laldinthara hian naupang pahnih Fakawma, kum 5 leh Hruaitea, Kum  4 mi chu lungphun chimin a delh tur chhan chhuakin a kut veilam zungtang thenkhat a chhiat phah a, Lalchhandama Pachuau hian a thianpa Remsiama tuitla chhanchhuah nan ama nunna a chan phah a ni.