Nimin January ni 5, 2015 a I&PR Press Release No.2146/2015-2016 a tarlan, State Planning Board Vice Chairman Pu H.Liansailova hova mi pawimawh thu khawm ten NITI Aayog in 6th Schedule Area hnuaia hmarchhak biala District Council te tan sum 1000 crore a dah chu Mizorama District Council te tan umzui ni se, hei bakah hian state chhung hmun thenkhat, hmasawnna kawnga la hnufual zawkte mamawh atan pawh a theih anga hma lak ni se, tia an rel ah Sialkal tlang area, Sinlung Hills Development Council leh Reang Development Area tia tarlan chu Reang Development Area ni lovin Mamit district chhunga hmun kilkhawr zawkte hmasawnna tur a ni a.

Reang ho te tan bika siam tur anga tarlan hi tihsual palh a ni. NITI Aayog ah Central sorkar chuan kum 2015-16 hian sum 20,000 crore a dah a. a hmanna tur leh hman dan tur vawiin thlengin central sorkar in a la puan chhuah loh avangin hmasawnna kawnga la hnufual zawkte tan development fund anga dil ni se, chumi atan bial mamawh project sanction tur rawtna pawh siam ni se, tiin nimina MSPB Vice Chariman hova thukhawm chuan an rel a ni.