No.4395/2021-2022
Aizawl the 25th March, 2022: Chief Minister Pu Zoramthanga hovin vawiin khan CM Conference Hall-ah Council of Ministers an thukhawm a. Department hrang hrang atanga ngaihtuah tur pawimawh tak takte ngaihtuahin an sawiho a ni.

Vawiin meeting-ah hian Rural Development Department atangin Tlabung RD Block leh Kawrtethawveng RD block siam tura rawtna lut chu chik taka ngaihtuah a nih hnu in pawm a ni. Tlabung RD Block thar siam tur hi Lungsen RD Block atangin leh Bunghmun RD Block hmun thenkhat atanga sahthlak tura ruahman a ni a; Kawrtethawveng RD Block hi Zawlnuam RD Block atanga sahthlak tura ruahman a ni bawk.

India sawrkarin thuchhuah a siam bawhzuia Home Department atanga lut Mizoram Private Security Agencies Rules, 2022 chu pawm a ni a. Excise & Narcotics atanga Mizoram Liquor (Prohibition) Draft Rules, 2022 rawtna thehluh chu vawiin meeting-ah hian chhawpchhuah niin pawm a ni bawk.

Attachment

  • Loading attachment...