No.32/2021-2022 

Vawiin (6.4.2021) khan Chief Minister Pu Zoramthanga hovin Council of Ministers chuan CM Office Conference Hall-ah sawrkar department hrang hrang atanga thu pawimawh ngaihtuah tur lutte sawihoin an thukhawm.

Vawiin a Council of Ministers thurel zinga thenkhat chu hengte hi a ni:

1) Mizoram Lokayukta a post thar 7 siam bakah ACB atangin post 25 transfer, Vigilance Department atanga lut chu pawm a ni.

2) GAD atanga ngaihtuah tur lut - Sinlung Hills Council (Procedure and Conduct of Business) Rules, 2021 an siam chu pawm a ni a. Inrelbawlna felfai zawk a awm theih nana General Administration Department (GAD) and Secretariat Administration Department (SAD) amalgamate chu pawm a ni bawk.

3) P&E Department atangin Electrical Accident avanga tawhsual tawk emaw nunna chan an awm thula anmahni emaw an chhungte puihna (ex-gratia) pek leh, a pek zat tur bituk chu pawm a ni.

4) COVID-19 VLTF/LLTF volunteer te an duty na hmuna COVID-19 hri an kai avanga nunna chan an awm chuan puihna (Ex-gratia payment) cheng nuai 20 pek tura Finance department atanga rawtna lut chu pawm a ni.

5) Land Revenue & Settlement Department atanga ram man (market value) fixing reference date thlak tura rawtna (LR&S section 26(1)(a) of the Mizoram (Land Acquisition, Rehabilitation & Resettlement) Act, 2016 hnuai ami) chu pawm a ni.

6) UD&PA leh AMC ten ruahmanna an siam anga kawngsira nepnawi leh chakkhai zuar a eizawng (street vendors) te hamthatna tura The Mizoram Street Vendors (Protection of Livelihood and Regulation of Street Vending)(Amendment) Rules, 2021 siamthatna, UD&PA atanga rawtna lut chu pawm a ni.

7) DP&AR atanga lut, The draft Mizoram Information Service Rules, 2021 te,  The Draft Mizoram State Cooperative Service Rules, 2021 leh draft Mizoram Legal Service Rules, 2021 and the draft Mizoram Law & Judicial Department (Group ‘A’ post) Recruitment Rules, 2021 te chu pawm a ni hlawm bawk.