Nimin (27.1.2020) khan Council of Ministers te chuan Chief Minister Cabinet Meeting Room-ah Mizoram sawrkar hnuaia department hrang hrang atanga thu pawimawh lut te ngaihtuahin an thukhawm.
Meeting chuan Constitution (One Hundred and Twenty-Sixth Amendment) Bill, 2019 chu tha a tihpui a. He bill hi constitution a article 334 siamthatna niin Lok Sabha leh Rajya Sabha in nikum December khan lo pass tawh a. Scheduled Caste leh Scheduled Tribe te tana seat reservation kum sawm chhung (January ni 25, 2030) thleng la neih chhunzawm tur phalna a ni.
Inner Line Permit fee rate siamtha tura rawtna awm chu meeting hian pawmin, AH & Veterinary Department hnuaia the Mizoram Animal Slaughter (Amendment) Act, 2020 lut chu pawm a ni bawk a. Information & Public Relations Department atanga tualchhung newspaper a sawrkar advertisement rate siamtha tura rawtna lut pawh pawm a ni.
Mizoram Shops & Establishments (Regulation of Employment and Conditions of Service) Act 2019 te, Mizoram (Land Revenue) (Second Amendment) Bill 2020 te, Amendment of the Mizoram Shops & Establishments (Regulation of Employment and Conditions of Service) Act, 2019 te, Mizoram (Land Revenue) (Second Amendment) Bill, 2020 te, Mizoram Education (transfer and posting of school education teachers) Amendment Rules, 2020 te, Mizoram (Registration of Tourist Trade) Bill, 2020 te chu pawm a ni.
Transport Department atanga lut Mizoram Motor Accident Claims Tribunal Rules, 2019 kalpui leh department hnuaia Operational Staff leh Enforcement Staff te tana Overtime Allowance pek te chu pawm a ni a. Mizoram Goods & Service Tax (Third Amendment) Bill, 2019 leh Aviation Turbine Fuel (ATF) VAT rate siam danglam tura rawtna awm chu pawm a ni bawk.
- Loading attachment...