Vawiin chawhma khan Health Minister Dr. R.Lalthangliana, chuan Zemabawk Cancer Hospital a tlawh.

Health Minister hian Tertiary Care Cancer Centre sak lai mek a hmunah a enfiah a. Cancer Hospitala thawktu pawimawh ten lo dawngsawngin hmalakna kal lai mekte ngun leh uluk taka thlirho a ni. Health Minister Dr. R.Lalthangliana chuan Cancer Speciality Hospital neihna tura ZYKA, Japan nena Vaibelchhe Rs 500 lai hmanga thawhhona an hmuh tur atanga theihtawp chhuah a nih tur thu a sawi a. Cancer Hospital ram pawh amah lo tawiawmtu Local Council leh khawtlang hruaitute hriatpuina in a en zui nghal a. A rang lama ramri tih fel a nih theih nana hmalak dan tur te an sawiho nghal bawk.

Minister hian Central Medical Store (CMS) pawh tlawh nghalin CMS hi a awmna hi hmunhma remchang zawka sawn chhuah emaw, approach road tha zawk siam dan turte sawiho nghal a ni. Minister chuan Mizoramin Cancer Hospital changtlung leh tha zawk a neih theihna tura theihtawp chhuaha tan lak mek a nih thute, sum leh pai lama harsatna awmte pawh sukiang tura sawrkar lam pawhin nasa taka tan a lak thu a sawi.

Health Minister hian Cancer Hospital-in a tul anga an hman atan Rs. 10,000/- (singkhat) a hlan a. Hei bakah hian kawlphetha khaihlak avanga Cancer hemna khawlin harsatna a tawh thin sutkian nan an chhungkaw hmingin MAHINDRA POWEROL GENERATOR lian a pe bawk a, Cancer Hospital thawktute pawh Health Minister chungah hian an lawm hle a ni. Health Minister Dr. R.Lalthangliana hi Pu H.Lalengmawia IAS & Secretary HFW, Dr. Zoramthanga, Director MSCI, Dr. Eric Zomawia, Mission Director NHM, Dr.Jeremy L Pautu, TCCC Project Coordinato leh midang ten an tawiawm a ni.