Vawiin chhun dar 12 : 00 khan Council Veng Saiha-ah Pu R.T. Zachono, CEM, MADC chuan “ Multipurpose Community Hall”  BRGF sum hmanga cheng nuai 190 senga sak chu a hawng.

Khuallian chuan Saiha khawpuiah hian infiamite tuihalna a nasa hle a ni tiin infiammite hmakhua thlira he Hall puitling pawh hi sak a ni a ti a, District Council pawhin nasa taka hmalak a tum thu sawiin Tennis Court pawh neih thuai anih a beisei thu a sawi bawk.

Hall hawnna inkhawm hi Pu N.Chakhai, Additional Deputy Commissioner, Saiha District, Saiha chuan a kaihruai a, Rev Chhuakhu Khithie chuan hunserh a hman hnu ah Pu VL Hruaizela Khiangte MCS, Project Director, DRDA Saiha chuan Technical Report pe in kum 2009 atanga he Hall sak hna hi tan tawh anih thu a sawi a, atirah chuan JVAC ten enkawlin chumi hnu ah Board siama Hall sak hna enkawl anih thu leh avaiin cheng nuai 190 sen anih thu a sawi bawk.