Naktuk (May ni 16, 2014)-a MP inthlan vote chhiarna tura inbuatsaihna kal mekah vawiin khan Vanapa Hall-ah police duty turte leh political party aiawh counting agent-te tan an hriat tur pawimawh te hrilhriatna (briefing) neih a ni.

Chawhma lam khan Pi Angela Zohmingthangi, Addl. DC leh Pu H. Lalhmingthanga, SDO (Sadar) ten counting agent-te hnenah briefing an pe a. Vote chhiar ni a an awm dan tur te chipchiar taka hrilhin, counting table-te chu uluk taka vil turin leh, thil diklo lo awm palh theite thlithlai turin an chah a ni.

Chawhnu lamah Police duty tur te tan briefing neih a ni a. He hunah hian Aizawl SP Pu Romil Baniya leh Addl. SP Pu Rex Zarzoliana bakah Pu Lalchungnunga, Add. DC te chuan venhimna lam kalpui dan tur leh an mawhphurhna hrang hrangte an sawi a ni.

Vote chhiarna hmun Assembly Annexe inhnuaia siamah hian Counting Hall pasarih awmin, hall tinah hian Counting Table 14 theuh hun a ni ang.