Nimin chawhnu dar 1 : 00 khan tun tum M.L.A.General Election a Vote tlate tahrik ni 9 December 2013 zing dar 8: 00 atanga chhiartu tur Counting Agents te chuan D.C’s Conference Hall, Saiha-ah Training an nei. He Training- ah hian District Bawrhsap Pu Alok Swarup IAS chuan thu sawiin inthlanna muanawm leh felfai tak neih zawh anih avanga lawmthu a sawi rualin inthlan ala zo lova Vote chhiar kan la hmabak ani tiin Vote chhiar tur te chu fimkhur leh uluk taka an hna thawk turin a chah a, tihsual palh awm lova tluangtaka vote an chhiar theih nan theih tawp chhuah turin a ngen bawk. He Training ah hian Counting Agents mi 62 ten Training hi an nei a, Pu H.Ramhluna, District Level Trainer leh Pu F.C. Lalrinawma, District Level Trainer ten uluk takin Training hi an pe ani. He Training neih chhung hian Pu John LT Sanga, Addl. D.C. Saiha leh Pu H.D. Lalpekmawia, Election Officer ten he training hi an tel pui bawk a ni.

Saiha District chhung Constituency pahnih a vote chhiarna hmun tur Counting Hall pawh peihfel vek a ni tawh a, 39-Saiha ST/AC leh 40- Palak ST/AC a vote tla te hi Dt 9.12.2013 zing dar 8 : 00 atangin chhiar tan ani anga, 39-Saiha ST/AC a Vote tla te chu DC’s Conference Hall, First ah Dawhkan paruk a chhiar ani anga, 40-Palak ST/AC a Vote tla te chu DC’s Conference Hall, Third Floor ah dawhkan paruka chhiar ani ve thung dawn ani. Inthlan chanchin kimchang hrechiang duh te chuan Media Centre - Telephone No 222310 ah zawhfiah theih reng a ni ang.