Vawiin khan D.C. Committee Room, Aizawl-ah Counting Micro Observer-te leh Additional Counting Staff-te tan training buatsaih a ni.

Training petu Assistant Commissioner, Pi Pinky Zosangpuii chuan Election Commission of India thuchhuak angin, MLA inthlan neih zawh taka Vote tla chhiarna felfai leh thianghlim a awm theihnan, Counting Micro Observer leh Additional Counting Staff atan State sorkara stakeholder nilo,Central sorkar hnuaia hnathawkte ruat an nih thu sawiin; an mawhphurhna leh Vote chhiarna hmuna dan zawm turte inhrilhhriatna neih a ni.

Counting Micro Observer-te hi Counting Hall pathuma Counting Table tinah pakhat zel an thu anga, an thutna tur Counting Table hi Vote chhiar ni, ni 9 December, 2013 zingkarah randomization-a ruat fel tur a ni ang. Additional Counting Staff-te hian Observer kaihhruainain, Vote tla chhiar tawh atangin EVM pahnih an thlangchhuak anga, hei hi chhiar nawn lehin, a hmaa result nen a inmil em, tih an ennawn leh dawn a ni.