Vawiin chawhma dar 11 : 00 khan Saiha District Bawrhsap Pu Alok Swarup IAS hovin kumin Krismas leh Kumthar hman dan tur chungchang ngaihtuahin DCs Office Chamber ah meeting neih a ni.

He meeting hian Saiha District chhung mipuiten Krismas hlimawm tak leh Kumthar lawmawm tak hlim tak leh thlamuang taka an hman theih nan hma lak nise tih a rel a, boruak muanawm tak a awm theih nan Saiha khawpui chhung veng hrang hrang ah Security Duty Post siam nise tih leh heng Duty Post ah te hian Police te leh Tlawmngaipawl te duty tura ngen nise tih rel ani. Krismas leh Kumthar vuakvet chhungin Zu leh Ruihtheih thil hrang hrang te nasa lehzual a khuahkhirh nise hemi kawngah hian nasa lehzuala tan la turin Excise te leh Police te ngen nise tih rel anih bakah buaina siam leh midang tana hnawksak a che te reng reng chu Krismas leh Kumthar chhung chu District Jail a dah nise tih rel ani bawk. He Meeting ah hian Department hrang hrang hotute, Tlawmngai pawl hrang hrang hruaitu te bakah thuthar thehdarh tute an tel kim hle a ni.