Aizawl District huamchhunga Assembly bial 14 in thlan result vote chhiar tura ruat counting official te chuan vawiin khan I & PR Auditorium-ah training an nei a. Training hi Aizawl District SDO (Sadar) Pu H. Lalhmingthangan a neihpui a ni.
Tarlan tawh danin tuntum MLA inthlan result hi karleh thawhtanni December 9 zing dar 8:00 atangin district tinah chhiar a ni dawn a. Aizawl District huamchhunga Assembly bial 14 te chu Pachhunga University College a counting hall ah chhiar a ni ang. PUC Counting Centre ah hian Counting Hall pathum siam a ni a, Ground Floor ah Counting Hall No.1 leh No.2 dah niin Counting Table 10 ve ve dah tura ruahman a ni. Second Floor ah Counting Hall No.3 dah niin Counting Table 8 dah tura ruahman a ni bawk.
Vote chhiar tur hian engkim ruahmanna chak taka kalpui mek a ni.
