Home Department, Government of Mizoram chuan COVID-19 hrileng laka kan him theihnan a hnuai ami ang hian thupek a chhuah :

1) Zokhawthar, Champhai District, Kawrpuichhuah, Lunglei District, Kanhmun, Mamit District leh Khawkawn, Saitual District a Check Post/Gate te hi zing dar 9:00 atanga tlai dar 5:00 thleng hawn a ni ang a. Heng Check Post/Gate paltlang tum khualzin zawng zawngte uluk taka endik (screening) an ni ang. Endik hnu a kaltlang phalna lehkha (slip) pekte chauh Check Post/Gate kaltlang phalsak an ni ang. Phalna neite hi Check Post/Gate khar a nih hnu ah pawh kaltlang phalsak an ni ang.

2) Bairabi leh Vairengte, Kolasib District a Check Post/Gate te hi zing dar 6:00 atanga zan dar 10:00 thleng hawn a ni ang a. Heng Check Post/Gaten paltlang tum bungrua leh khualzin zawng zawngte uluk taka endik (screening) an ni ang. Endik hnu a kaltlang phalna lehkha (slip) pekte chauh Check Post/Gate kaltlang phalsak an ni ang. Phalna neite hi Check Post/Gate khar a nih hnu ah pawh kaltlang phalsak an ni ang.

3) A chunga tarlan bak InternationaI/Inter-State Check Posts/Gate zawng zawngah te a bialtu District thuneituten daidanna (barricade) an siam tur a ni a, ram pawn atanga mihring rawn lut tur dang turin heng hmunah te hian darkar 24 chhung police an duty ang.

Thuleh awm hma chuan achunga thupek te hi khauh taka zawm tur a ni.