No.659/2021-2022

CZ zone a hriattur pawimawh.docx

1. Containment Zone (CZ) puan chungchang hi mipui lam leh LLTF/VLTF ten duhthalin kan la hrethiam tawklo niin a lang a, expert group ten a tul antih viau tawh hnu pawhin mahni veng/khua te in veng zo tura in ngaih tlatna a awm thin a. Veng lunlai leh langsar laiah te mi kan inkhap hneh viau emaw kan tih laiin veng kilkhawr deuhah te chuan Covid-19 appropriate behavior uluk taka zawm nachang hrelo tam tak awmin, an inthlahdul viau thin a ni. Hmun thenkhatah chuan inlehkhaden te, carrom board lo khel leh khawhar ngaitheilo tak tak inti bengvara thenawmte lo tlawhkual deuh reng an awm fur mai. Heng avang hian kan hripui leng hi Lockdown kan nei chung hian a darh zual zel mai niin a ngaih theih.

2. Kan dinhmun thlirin tuna contact tracing kan kalpui dan hi a tawk zo lo deuh niin a lang a, chuvang chuan veng hrang hrangah Hotspot area zawn chhuah thuai thuai a, public health expert te zirchian tir tura chhawpchhuah vat thin a tha hle in a rinawm. Tin, a tul chuan containment zone a puan vat a, Active Case Search tih vat zel hi kan him tlan na tur niin a lang.

3. Containment Zone-a puan vat hian thatna leh hlawkna tam tak a nei a, lo tarlang ila:

a) CZ puan anih chuan uluk lehzual in a huam chhunga kai thei zawng zawng hmuhchhuah/enkawl zung zung an ni in, hri darh zel venna uluk zawka kalpui thin a ni.

b) CZ ah chuan Active Surveillance (Active Case Search -ACS) medical team leh LLTF te’n an nei thin a. Hetah hian contact tracing a tel kher lo te pawh intin ah kalin, rinhlelhawm te zawngchhuakin, test/sample lak te leh enkawlna a tul anga kalpui nghal zung zung a ni thin. Hei hian nasa takin hri darh tur a veng thin a ni.

c) ACS vawikhat tih bakah nitin medical team ten an vil zuia (follow-up monitoring), CZ-ah chuan a kim thei ang berin positive zawnchhuah a ni thin a, follow-up hnuah pawh a tul danin sample lakna buatsaih leh thin a ni.

d) CZ-a puan veng te mai bakah an veng thenawm CZ-a puan nilo, positive case awm thei awm (buffer zone) pawh thlithlai bik reng an ni a, hei hi a tangkai thin em em a ni.

e) CZ puan hi positive an tam hnu a puan a nih hian inkaichhawng tur anlo inkaichhawng viau tawh thin a. Chuvangin, positive tlemte an awm lai hian CZ zimte (micro CZ) a puan thluah thluah hi a finthlak zawk.

4. India ram hmun dangah chuan Containment zone huam chhunga Covid vei te an dam kim atanga ni 14 chhung tal an la inkhuahkhirh thin a, amaherawhchu Mizoram-ah chuan mipui te harsatna tihtlemnan ni 10 kalpui tura tih ani thung. He ni 10 chhung hi rei tak angin lang mahse a huphurhawmna lam ngawt thlir lovin, hrileng laka kan himna tur zawk thlirin mahni veng/khua theute zirchiang ila. Sawrkar lam pawh LLTF te tha tichak zel turin a inpeih reng a ni.

5. Active case search ti tur hian team din an ni thin a, chu team ah chuan Health provider-1, LLTF/VLTF-1, ASHA/HW/YMA member/DEO te an awm thin a. Containment area chhunga chhungkaw tin, an inchhunga lut kher lo in an dinhmun an zawt thin tur a ni a, form-ah felfai takin an record vek thin ang. Home isolation-a awm an nih chuan mobile phone kaltlangin an dinhmun zirchian thin tur a ni a, kum 65 aia upa leh natna benvawn nei an awm chuan, Team te tul ni a an hriat chuan RAgT an tihsak nghal thin bawk tur a ni.

6. Community spread awm mek a nih avangin contact tracing tan thlen phakloh a tam tawha, chuvang chuan CZ-ah hi chuan chak leh zuala hmalak theih anih mai bakah medical mi thiam ten an vil ngun anih avangin positive contact an neihdan a zir zela sample lak ngaihdan te, lak hun tur te fel takin ruahmanna a siam theih thin a ni.

7. Manpower indaihlohna chhawng zangkhai tur leh engkima senso a  tlakhniam nan te, hri kai rinhleh te zawngchhuah zung zung an nih a, khung hran (Isolate) zung zung an nih na turin CZ hi  zim zawk deuh pawhin puan zung zung a, a tul a nih chuan zauh zel theihin, buffer zone/area siam nghal thlap ni bawk se. Veng tinin daily data siamin, a zirchiang tu tur te tana zir awlsamna, vengchhung map lo neiin, positive awmna inte chhinchhiahna hmuh theihin awm se, thil a awlai viau thei bawk ang.

8. Containment Zone-ah chuan report format-anga dawn te chu District Health Officials te’n lo compile niin sample collect ngai te chu zirchian vat thin niin chak lehzuala hmalak thin a ni.

9. Nikum (2020) chhung khan sample test zawng zawng za zel 2 hi positive kan neihdan a ni a, tun kumah erawh chuan za zelah 24 a ni ta a ni. Hei vang hian quarantine chhung hian dan zawm that hi mahni leh midang tan a tul hle a ni tih hriatnawn a hunh le a ni. 

10. Covid-19 hi natna dang anga enkawl chi a nilo tih hre nawn leh ila. A tuar na lo te tam tak awm mahse, a tuarna te damchhuahna tur hi a hautak hle thung a ni.