No.3320/2019-2020
Mizorama Covid-19 damlo enkawltuten an mamawh em em, an invenhimna tur thuam, Personal Protective Equipment (PPE) set sing khat bawr vel leh hmanraw dang hrang hrang chu naktuk 27.3.2020 hian New Delhi atanga Mizoram rawn phur thleng turin state sawrkar chuan Airbus thlawhna a charter. Heng bakah hian Guwahati atangin lirthei hmangin PPE leh bungraw dang engemawzah chah thlen a ni dawn bawk.
Mizoram dinhmun thlir chungin leh damlo enkawltute mamawhna hria in heng PPE set hi Mizoram a lo thlen thuai theih nan Chief Minister chuan sawrkar laipuia Home Ministry a zuk bia a. Anni chuan rang lama lo thlen ngei tumin naktuk a lo thawn chhoh an tum thu an sawi a ni. Heng buangrua rawn thleng turah hian PPE bakah infrared sensor (khawsik enna) leh N95 masks, 3 layered masks leh a dangte a tel a ni.
Tun dinhmunah Covid-19 natna vei hriatchian pakhat Mizoramah a awm a. Test tur sample hi a hmaa Guwahati ah thawn ngai thin kha tunah hnaiah Silchar ah test theihna tura phalna hmu laboratory awm tharin, Mizoram atanga enchian tur pawh hetah hian thawn a ni.
