No.1771/2021-2022
Aizawl, 10th August, 2021 : Mizoram Pharmacists’ Association chuan Mizorama COVID-19 hri kaite, a bikin thingtlang lama chengte, damdawi leh mamawh lamkhawmna tura buaithlak deuhte hnena COVID Kit sem chhuah tur damdawi, oximeter leh thil dang thahnemtak chu vawiin khan Health Minister Dr. R. Lalthangliana hnenah an hlan.

Hemi bungrua leh damdawite lei na tur hian Mizoram Pharmacists’ Association member-te chuan Rs. 311,200/- ( Cheng nuaithum singkhat sangkhat leh zahnih) an thawhkhawm a, CMO te kaihhruaina hnuaiah District tina Pharmacist te, khaw hrang hrang a medical team leh Local Task Force te nen tang tlangin semchhuah dan tur ruahmanna siam a ni.

Mizoram Pharmacists’ Association member te hi sawrkar hnathawk leh thawklote niin, Mizoram State Pharmacy Council-a in register te inzawmkhawm pawl a ni a. Sawrkara thawk pharmacist te hi an thawhna hmun theuhah COVID-19 do na tur damdawi leh hmanrua enkawla vawngtute an nih bakah, sample test tur lakna kawngah pawh ?angkai ber zinga mi an ni a. Hripui dona atana Mizoram sawrkar insenso nasat ziate hriain tlem tala sawrkar ko chhawkzan a nih theih beiseiin leh hripuiin thingtlang kilkhawr ber pawh a luhchilh mek laiin Mizoram Pharmacists' Association-te hian an unaute khawpui pawn lam, damdawi leh hmanrua lam zung zung harsatna hmuna awmte mamawh engemaw chen phuhruk hi tula an hriat vanga che chhuak an nih thu an thuchhuahah an tarlang a ni.