No.1772/2021-2022
Aizawl 10th August 2021: Confederation of Indian Industry (CII) leh Software Technology Park (STPI) te hmalakna in vawiin khan India kum 75 tlin lawmna tur denchhenin ‘Economic Development in North East -Challenges, Opportunities and The Way Forward’ tih thupui a hmangin Virtual Seminar hman a ni a. He hun hi Dr. R.Lalthangliana, Hon’ble Minister for Commerce & Industries leh Health Minister ni bawkin a hmanpui a.

Minister Dr. R. Lalthangliana chuan, Mizoram Kum 1947 atanga Kum 1976 UT kan nihlai atanga Kum 1986 a Statehood kan lo nih dan atanga kum 2021thlenga Mizoram than chhoh dan leh hma kan lo sawn chhoh dan te a sawi a. Kum 20 lai inkhuahkhirhna hnuaia Mizoram a awm hnua, tuna hmasawnna tam tak a bikin Agriculture, Horticulture, Handloom lama hma kan sawn chho zel te mai piah lamah Game developer, entertainment Industry leh Nursing lama kan than chakzia te a sawi a. Hemi mai bakah Mizo thalai tam takin Sorkar hna an indaih tawh lo na phuhruknan STPI lam ho tute pawh nasa takin Mizo thalai te Technology lama sorkar hma lakpui turin a sawm bawk a ni.

Minister chuan Mizoram leilung hi hmasawnna tur tamtak a awm tih mai piah lamah kan ram thenawm Bangladesh te leh Myanmar lam te pawh in hnaihte kan ni a, he kan border state te hi hmang tangkaiin thalai te pawn hmasawnpuina tur tam tak an neih theih ngei a ring a ni. Minister hian Bangladesh nena insumdawn tawnna tura hma lak mek a nih dan te sawiin an Commerce Minister Tipu Munshi sawmna anga March thlaa a zin thu a sawi a, border trade kalpui na tura hma lak zel tur a nih thu a tarlang bawk a ni.

Minister hian Industry lamin nasa taka hma a sawn theih nan Sorkar pawn theihtawp a chhuah a policy lama hmalak te, ease of doing business a bikin single window system lama theih tawp a hma an lak thu a tarlang bawk a ni.

He Virtual Conference hi Pu Jishnu Dev Verma, Dy Chief Minister, Tripura leh Pu Prabir Kumar Das, Intervention for Growth of Jurisdictional Director, STPI (North East & West Bengal) leh Pu Reep Hazarika, Co-Chairman, CII NE Council ten an hmanpui bawk a ni.