No.1722/2020-2021

Dated Serchhip, the 5th June, 2020: Sawrkar laipui, Ministry of MSME leh DoPT hnen atanga Mizoram sawrkarin hriattirna a dawn dan in, sawrkar laipui chuan India ram puma Healthcare Professionals leh Volunteers te dinhmun hriat zung zung theihna Master data base DASHBOARD a siam a. Hetah hian State huap te, District huap te a COVID19 dona kawnga mi pawimawh te hmuh leh biakpawh zung zung theih an ni dawn a ni. A tlawh duh te tan covidwarriors.gov.in hi Dashboard address chu a ni. India ram pum huap information tangkai tam tak hmuh theihin a awm.

Tin, Integrated Government Online Trading (iGOT) portal siam a ni bawk a, address chu igot.gov.in a ni. Hetah hian doctors te, Nurse te, paramedics te, hygiene workers te, technicians te, AYUSH doctor leh staff te, frontline workers reng reng leh volunteers (NGOs) ten online video hmanga Covid 19 laka himna leh thiltih dan tur training an nei zung zung thei dawn a. Mobile Phone, Laptop leh Desktop te hmanga hman tangkai theih vek a ni.