No.1721/2020-2021

 

Dated Serchhip, the 5th June, 2020: Dr. Lalzirmawia Chhangte, IAS, Deputy Commissioner, Serchhip District chuan Lockdown thawh 5-na (1.6.2020 – 30.6.2020) chhunga dawr hawn dan tur hriattirna a hnuai ami ang hian a chhuah:

 

COVID-19 hrileng avanga lockdown chu ni 1.6.2020 atanga ni 30.6.2020 chhung atana pawhsei leh a ni a. Inkaihhruaina dan (Guidelines) leh thupek pawh Mizoram sawrkar chuan Order No. B.13021/101/2020-DMR/Pt-III Dt. 31.5.2020 hmangin a ti chhuaka. He inkaihhruaina Para No. D(2)in a sawi angin Serchhip Town chhunga VC-IV leh VC–VII Area hmun lunlaia dawrte chu ni khat danah an inhawn chhawk ang. Dawrte hi Group A leh B ah then a ni a, a hnuaia tarlan ang hian an dawr hawn ni tur ruat a ni. Dawr tin ah hian Group A leh B chhinchhiahna tar a ni bawk. Dawr leh sumdawnna hmuna zawm tur sawrkar thuchhuah leh bazar, dawr leh sumdawnna hmuna hman tur SOP (Standard Operating Procedure for Social Distancing te thil tel nghal a ni e.

 

Group A dawte inhawn ni

Group B dawte inhawn ni

1,3,5,9,11,13,15,17,19,23,25,27,29 June, 2020

2,4,6,8,10,12,16,18,20,22,24,26,30 June, 2020

 

Tin, Serchhip khawpui chhunga sa leh chawhmeh zawrh chungchanga inkaihhruaina a hnuai ami ang hian siam a ni a, mi tinte zawm theuh tura ngen an ni.

 

He office atanga order No. C.11011/1/2020-DC (SRCP) Dated 25th March, 2020 tihchhuah tawh angina sa leh chawhmeh zawrh leh lei reng reng mahni chenna vengchhungah chauh kalpui tur a ni.

Chawhmeh leh sa zuar tur emaw, a lei tur emaw tumah in veng dang pan phal a ni lo.

VLTF tin ten an huam chhunga mipuiten an veng chhung ngeia chawhmeh leh sa an lei theih nan ruahmanna an siam tur a ni.

Chawhmeh leh thildang mamawh leia pawn chhuak reng rengin Social Distancing ngaipawimawh tur a ni a, hmai tuamna (mask) vuah ngei bawk tur a ni.

Serchhip khawpui chhunga VLTF zawng zawngte’n an veng chhunga Sa/Chawhmeh zuar leh mipuite hnenah he thu hi puangzara, khauh taka kalpui tura ngen leh hriattir an ni.

 

 

DAWR LEH SUMDAWNNA HMUN

1. Dawr, sumdawnna hmun leh eizawnna kawnga hmalakna te chu Annexe-A 'Standard Operating Procedure (SOP) for Social Distancing a tarlan zawm chungin kalpui tur a ni.

2. Dawr leh sumdawnna hmunte hawn phal a ni. Amaherawhchu, Aizawl Municipal Area chhung leh District Headquarters chhung bikah chuan, hmun lunlai/dawrkawna dawr inthenawmte chu inthenawmte chu nikhat kar danah an inhawn chhawk ang. A ni zawnin dawr pakhat inhawn phal a ni lo. Dawr inthenawmte nikhatah a rualin inhawn phal a ni lo. Hei hian zirlaibu zawrhna dawr, essential commodities leh eichawp zuar dawr, mihring leh ran damdawi dawr leh clinic-te a huam lovang. Hemi atan hin Deputy Commissioner-in ruamhmanna a siam chu zawm tur a ni.

3. Khaw dang zawngah chuan dawr leh sumdawnna hmunte dan pangngaia hawn phal a ni. Amaherawhchu, Deputy Commissioner tin ten tul an tih angina kaihhruaina/khuahkhirhna an siam thei ang.

4. Mipuiin awlsam zawka thlai leh chawhmeh an hmuh theih nan veng hrang hrangah LLTF/VLTF ten chawhmeh zawrhna tur an ruahman ang a. Metre hnih (2) aia inhnaih lo turin thutna an ruahmansak ang. Inrinni-a mipui punkhawm luih luih pumpelh nan kar khatah ni thum (3) tal thlai thar leh chawhmeh zawrhna hun ruahman thin tur a ni. Bazarpui chu khar chhunzawm rih a ni ang.

 5. Chawhmeh, thlai leh theite in lama pek (home delivery) phal a ni


6. Public park, picnic spot, movie theatre, gym, spa leh intawllenna hmun zawng zawng chu khar chhunzawm tur a ni.

7. Tuallai leh kawtthlera thlai, chawhmeh leh thildang zawrh (street vending) khap tlat a ni.

8. Dawr zawng zawng (damdawi dawr tiam lovin) chu tlai dar 5:00-ah khar vek tur a ni.

9. Mizoram-a khualzin cham mekte Hotel-ah thlen phal a ni a. Mikhualte tana ei leh in buatsaih pawh phal a ni. Amaherawhchu, pawn lam mi (hotel-a thleng mikhual ni lo)-te an dawngsawng tur a ni lo.

10. Restaurant hawn phal a ni lova, home delivery erawh phal a ni ang.

 11. Beauty parlour leh haircutting salon te chuan an customer-te hming leh address mumal takin register-ah an ziaklut thin tur a ni. Hei hian contact tracing a tul anih chuan nasa takin a pui dawn a ni.

 

 

STANDARD OPERATING PROCEDURE FOR SOCIAL DISTANCING

BAZAR, DAWR LEH SUMDAWNNA HMUNTE:

 

Bazar, dawr leh hmun danga kal tur reng reng chuan (face mask emaw hmanraw dang hmangin) hmai an tuam ngei ngei tur a ni.

Mi pathum aia tamin dawr pakhat an nghak tur a ni lo. 

Dawr nghaktu ten face mask an hmang reng tur a ni. Faina, a bik takin kut sil fai an uar tua ni.

Dawr neitu ten (dawrtu te inhlat taka na awm theih nan) dawrtu turte dinna tur, meter hniha inhlatin an awm tur a ni.

Thlai leh chawhmeh dang zuar ten an thil zawrh te fait akin an enkawl tur a ni a, thil zuar reng rengin hmai an tuam ngei tur a ni.

Thlai, thei leh sa zawrhna, VLTF/LLTF ten an ruahmanna ah mipui an inhnaihchilh loh nan mipui dinna tur meter hnih danah an rin tur a ni. A tul angin bazar hmun bik kher ni lo, school kawt zawl, inkhelhna field tual leh hmun remchang dangte pawh a tul anga ruahmanna siam a ni ang.