alr
No.813/2020-2021

1. Vawin khan DC Conference Hall ah Aizawl DC hovin COVID-19 do nana Gas Free Home Delivery tih dan tur ruahmanna sawiho a ni a. He tah hian Director, FCS&CA bakah Gas Distributor leh Consumer Union aiawhte an tel a ni. Dt.08.05.2020 (Zirtawpni) hian an hmalaknate an sawiho leh ang.

2. PM-GKAY hnuaia AAY leh PHH Card holder te hnenah buhfai a thlawn a sem mek zel a ni. He scheme hnuaia AAY leh PHH card holder te hnena a thlawna sem tur dal pawh vawiin khan Lunglei, Hnahthial, Champhai, Khawzawl leh Serchhip ami tur 38.05MT thawnchhuah a ni.

3. Tunah hian FCS&CA hnuaia office zawng zawngah Sawrkar in COVID-19 laka invenna tura ruahmanna hrang hrang a siamte chu uluk taka kalpui mek niin Group A & B te chu an vaia kalin Group C & D te chu a tahtawlin Office an kai a ni. Supply Godownah te pawh loading/unloading titute bak chu awmkhawm phal a ni lova, social distancing tha taka tih niin thawktute leh dawrtute zawng zawng pawh mask vuah vek tura tih an ni. GMG Zuangtui ah chuan main gate ah Home Guard duty in register a vawng (maintain) a, hetah hian motor lut zawng zawngte chu registration no., driver hming leh contact tracing tih nan an phone no. Te ziah luh vek an ni.

4. State dang atanga buhfai lo phurtu truck te chu social distancing maintain nan Buichali Check gate ah Truck 62 din lailawktir an ni a, hengte hi a tahtawlin kudam ah unload tur a luh tir zel an ni ang.

5. April leh May atana free ration dawn chungchangah Vahai khua (Siaha District) te inlungrualna leh thawhhona a entawntlak hle. Member 5/6 chin ten 50/60 an dawn tur chu la zo duh lovin Task Force kutah 20/10 kgs an donate nghal zel a, chumi tlingkhawm chuqouta nei velo te leh APL family harsa zualte hnenah lungrual takin an sem veleh a ni.