Lunglei District Magistrate chuan a hnuaia tarlan ang hian khapna thupek a ti chhuak  a ni:

COVID-19 hrileng avanga india ram puma inkharkhipna (Lockdown) kalpui mek chu chhunzawm zel tura Sawrkar laipuiin ruahmanna a siam angin Mizoram sawrkar pawhin inkharkhipna chu ni 17.05.2020 thleng kalpui chhunzawm turin Order No B. 13021/101/2020 - DMR/Pt III Dated 02.05.2020 hmangin thuchhuah a siam a. Sawrkar thupek bawhzuiin leh Corona Virus laka Lunglei District mipuite anlo himlehzual zawk theihnan thupek chhuah ngei tulin ka hri a.

Chuvangin kei, V.Lalsangliana, District Magistrate, Lunglei District hian Sec 144 CrPC 1973 in thuneihna min pek angin a hnuaia thupek hi ka chhuah e.

Lunglei District chhungah tlai dar 7:00 leh zing dar 4:00 inkarah pawn chhuah khap tlat a ni a. He thupek hian Magistrate, Police, Hospital & Medical Emergency, Central/ State Government/District Magistrate in phalna a pek bikte leh COVID-19 chungchanga duty te a huam lovang. 

He thupek bawhchhetu chu Section 188 IPC hmangin hrem theih a ni ang. 

He thupek hian Lunglei District-ah thupek tihchhuah ni atanga Sawrkar in inkharkhipna a kalpui hun chhung a huam ang.

He thupek hi District Magistrate seal nemin vawiin 4th May, 2020 (Thawhtanni) hian ka hming ka ziah hnan e.