No.2186/2020-2020

Covid-19 hrileng avangin ramin hun harsa leh khirh tawk mekin mitinin mahni theihna ang angin do hna an kalpui mek a, Medical lam training chhuak thenkhatte phei chuan hlawh engmah phut lovin an thiamna te chu a tulna hmun apianga hmanga midangte chhanchhuak turin an inpe a ni. Lunglei District-ah pawh volunteer awm belh zelin a hnuaia tarlan te hi Lunglei District H&FW Department hotute hnenah Covid-19 do kawnga tul ang ang thawk tura inhuamin an rawn in report leh a ni.

1. Debbie C. Zozampuii 25 yrs d/o C Zothanmawia(L) Bazar Veng Lunglei. Bsc MLT, Assam Downtown University atang a zirchhuak.

2. Jennifer Lalrinpuii Sailo 26 yrs D/o Lalhmangaiha Sailo(L) Venghlun, DMLT

3. Lalnunmawii 24 yrs D/o Lalhmachhuana, Ramthar, DMLT

Heng mi pathum tiam hian Lunglei District-ah tun dinhmunah Medical volunteer 15 lai an awm tawh a ni.

Covid-19 avanga harsatna tawh mek karah heng volunteer-ten hlawh pawh phut miah lova midang tanpui tura an rawn inpe chu Lunglei District Task Force on Covid-19 chuan lawmawm tiin anmahni leh an chhungte chungah lawmthu an sawi a. An thiamna te chhawr tangkai turin Lunglei District H&FW Department te chuan hma an la nghal a, volunteer-te hi training te neih pui nghal an ni.