No.2185/2020-2020

Vawiin chawhma khan DC Kolasib pisaah District Child Protection Unit, Women & Child Development, Kolasib District te chuan Quarantine Facility a naupang awmte hman tur mamawh hrang hrang, Dr H Lalthlangliana hnenah an hlan.

DR H Lalthlangliana chuan Covid-19 hri avanga hun khirhkhan kan hmachhawn mek laiin Kolasib district a mi inphal leh inpe te avangin hmalakna tam tak a zangkhai phahin a hlawhtlin phah thin thu a sawi a, District Child Protection Unit, Kolasib-ten naupang kum tlinglo, Quarantine Facility a awm mek te mamawh hrang hrang an rawn hlan chu lawmawm a tih thu leh an tangkaipui tur thu a sawi bawk a ni.

Thilpek hi Pi Laltlanmawii, in-charge DCPO in a hlan a, Bawnghnute case 6, Frooti case 6, Naupang diaper, wipes leh naupang infiamna engemaw zat a tel bawk a ni. Kolasib district Quarantine Facility ah hian naupang kum 18 hnuailam 26 an awm mek a ni.