Mizoram Sawrkarin Covid 19 hri hlauhawm a dona kawnga Sawrkar kut tihchakna atan Serchhip District Amateur Taekwando Association member te chuan mahni neih tawk leh phal tawk ang ang an thawh khawm a. Heng sum hi Rs.5000 chu CM Relief Fund ah leh Rs.5000 dang chu Serchhip District Level Task Force Fund ah vawiin khan Serchhip District Deputy Commissioner Dr. Lalzirmawia Chhangte IAS kutah an hlan.

Dr.Lalzirmawia Chhangte chuan heng sumte hi lo dawngin mamawh lai taka mamawh chhanna ni tura Serchhip District Amateur Taekwando Association lo penchhuak chu lawmthu a lo hrilh a. An pawl chu an kal zelna turah duhsakna a hlan a ni.