Vawiin khan Nodal Officer & Asst.  Nodal Officer,Essential Commodities Management Commitee on Covid 19,Siaha District, MTP (H) hruaitute leh Joint Village Council hruaitute chuan Siaha khawpui chhunga Task Force duty post hrang hrang an tlawh kualin, eichawp lei leh hralh chungchang a veng hrang hrang te tan a VLTF ten bungraw lak an kalpui dan te,khawpui pawn a tanga lokal te an lo dawnsawn dan te an thlir ho a,mumal zawk a hma lak zel dan tur an sawiho bawk.

VLTF  duty te hian  an hmalak dan te leh harsatna an neihte an mahni tlawhtute hnenah hian an lo thlen a, an mahni an tlawh avanga an lawmthu te pawh an sawi bawk.Ruahmanna lo siam tawh angin eichawp lei leh hralh chungchang hi MTP(H) kutah dah a ni a,Khawpawn leh khawchhung atanga bungraw la turte pawhin MTP hruaitute hi hriattir hmasak tur a ni. Anni enpuina leh dawr awmna VLTF te ruahmanna in bungrua hi lak thin tur a ni.

Nodal Officer te sawi danin  tun dinhmunah eichawp thilah thlaphanna lutuk tur awmin a langlo a,chutih laiin kan bungraw lakna Silchar lamah bungrua vang thut thei a ni a,ruah a surin kan kawngte pawh harsatna thut awm thei anih avangin dawrkaiin an thil dahkhawl te renchem taka kan hman a tul an tih thu an sawiin; thil man chungchang pawh an thlithlai reng thu an sawi bawk.

Attachment

  • Loading attachment...