No.6435/2020-2021

Siaha, the 3rd November, 2020: Vawiin chawhma dar 11:00 AM khan Siaha khawpui chhunga Children's Home hrang hrang leh District Child Protection Unit, Siaha tangkawp chuan Covid-19 dona kawnga hmalatu- Health Department, Police Department leh District Level Task Force -te hnenah an hmalakna chhuanawm tak takte avanga lawmthu sawina atan naupangte thuziak chi hrang hrang an hlan.

Heng an thil pekte hi Health Department aiawhin Dr. C. Lalrosanga, District Medical Superintendent, Siaha in a dawng a, Police Department hnena thilpek hi Pi Apoorva Gupta, Superintendent of Police, Siaha chuan lo dawngin, District Level Task Force hnena thilpek hi Pu Kesavan, R. Deputy Commissioner, Siaha leh Chairman, District Level Task Force ni bawk chuan a lo dawng a ni. Heng thilpek dawngtu Department pathumte hian Siaha khawpui chhunga Children's Home hrang hrang leh District Child Protection Unit, Siaha -te hmalakna hi chhuanawm an tih thu sawiin duhsakna an hlan a ni.

He lawmthu sawina thilpek hlanna-ah hian District Child Protection Unit Siaha ah thawktute leh Siaha Observation Home, Orphanage Boys Home, Grace Children Home leh Siaha Child Adoption Centre a thawktute an tel a ni.