No.2234/2020-2020 

Siaha, June ni 20: Vawiin chawhma dar 11:00 AM khan District Child Protection Unit(DCPU), Siaha chuan Siaha, District -a Covid -19 hri kai nausen pualin thilpek an hlan. He thilpek hi Dr. C. Lalrosanga, District Medical Superintendent, Civil Hospital, Siaha chuan nausen leh a chhungte aiawh thilpek hi a dawn sak a ni. DCPU te thilpekah hian nausen mamawh thil chi hrang hrang leh nausen nu tana thil tangkai turte a tel a. Doctor -te be rawn hmasain nausen pual hian damdawi pawh pek tel a ni.

Nausen puala thil pek an hlan rual hian DCPU Siaha chuan Dedicated Covid Health Centre (DCHC), Siaha a duty te tan ei tur, handwash leh sanitizer te an pe nghal bawk. Covid -19 hri kai nausen puala thilpek hlanna-ah hian District Child Protection Office-a thawktute leh Siaha khawpui chhunga Children's Home hrang hrang Superintendent te pawh an tel a ni.