No.3990/2020-2021

Dated Champhai, the 10th August, 2020: August Ni 9, 2020 a Mizoram sawrkar hotute thukhawmin National Highway leh thildang chungchanga an thurel No.B.13021/101/2020 bawhzuina atan Champhai District inkhaihhruaina bik thenkhat a hnuaia mi ang hian siam belh anih thu Bawrhsap Pi Maria C.T Zuali chuan vawiin hian a chhuah.

1. RAT (Antigen) Test: A hnuaia tarlante hi Rapid Antigen Test (RAT) neih vek tur a ni.
a) Wholesale dawr neitute.
b) Mutia.
c) August ni 1 atanga ni 10 inkara Sairang leh Sihphir pela kal Dirver zawng zawng.
d) Essential commodities ni 10.8.2020 atanga lo phurluttu Driver, Vairengte test paltlang lo te.

2. Lockdown kaihhruaina No.13021/101/2020-DMR/Pt-III dated 31.07.2020 Clause B Sub-Clause(5) in a tarlan, Phai atanga bungrua rawn thiar lut Driver leh Handyman te chu khaw dai remchangah rawng inbawlin khawchhungah midang nen intlawhpawh lovin bungrua an unload zawh veleh an let leh nghal tur a ni a, bungrua an unload chhung hian midangte nen metre 2 (hnih) tala hlaah an awm tur a ni a tih angin, hemi chungchang lo endik a lo enpui hna hi Local Council leh Village Council inthlan a nih dawn avangin Sub-Hqrs YMA te kutah hlan rih a ni ang.

3. Entry of Vehicles (Unloading): Champhaia bungraw lo lutte zan lamah 6:00 PM atangin zankhuain an in unload thei anga, zana unload lo tan zing dar 6:00 atanga dar 8:00 thleng unload phalsak an ni ang.