No.792/2020-2021

Mizoram chhungah inkharkhip thawhthumna (Lockdown 3.0) kalpui a nih tan takah hian sawrkarin hemi chhunga zawm tur inkaihhruaina a siam a, he inkaihhruaina tharah hian dawr leh sumdawnna hmunte hawn phal anih rualin dawr in hawn chhawk tur a ni a. Govt. of Mizoram, DM&RDeptt Order No. B.13021/101/2020-DMR/Pt-Ill dt2.52020 (Para-D) in a sawi angin Aizawl District bawrhsap Pu Vanlalngaihsaka chuan Aizawl District mipui te hriat atan leh Local/Village Level Task Force te'n mahni area theuha an zawm atan dawr leh sumdawnna hmun kalpui dan tur a hnuai ami ang hian ruahmanna a siam.

1. Dawr, sumdawnna hmun leh eizawnna kawnga hmalakna te chu "Standard Operating Procedure for Social Distancing” zawm chungin kalpui tur a ni. (SOP hi PR number No.790/2020-2021 dt. 4.5.2020 ah tarlan a ni)

2. Khawpui chhung bikah, hmun lunlai/dawrkawna dawr inthenawmte chu nikhat kar danah an in hawn chhawk tur a ni a, ni khatah a rualin dawr inthenawmte an inhawng tur a ni lo.

3. A ni zawnin dawr pakhat inhawn phal a ni lo.

4. Mihring leh ran damdawi dawr leh clinic- te chu a huam lovang.

5. Para D-7 in a tarlan angin, damdawi dawr tiam lovin, dawr dang zawng zawng te chu tlai dar 5:00 ah an khar vek tur a ni.

A chunga Point 1, 2 & 3 hi LLTF/VLTF te'n an Veng/Khaw chhunga dawr awmte an hriat chian zawk avangin nitina dawr inhawng tur leh khar tur chu an ruahman ang.

COVID-19 hrileng laka kan him zawk nan felfai takin LLTF/VLTF ten dawr leh sumdawnna hmun kalpui dan tur ruahhmanna an siam te hi mipuiten an zawm ngei theih nan an hriatah puanzar tur a ni.