1258/2022-2023
Kolasib: Dated the 15th July, 2022: Tun hnaiah Mizoram hmun hrang hrangah Covid-19 hri kai an pung nasa hle a. Covid-19 hian min la chenchilh reng avang leh he hripui darh zel tur dan chah thuai a nih theih nan inthlahdah lova kan fimkhur thar a tul hle a ni. He hripui laka kan him theih nana hmanraw pawimawh tak chu Covid Appropriate Behaviour (CAB) tha taka zawm hi a ni. Chuvangin, a hnuaia CAB chungchang tarlante hi tha taka kalpui turin kan in ngen thar leh a ni.

1. He hripui laka kan him nan leh a darh zel tur ven nan fimkhur thei ang bera mitin kan inven a pawimawh hle a. Hemi atan hian Covid Appropriate Behaviour(CAB) (enclosed) te tha taka zawm theuh tur a ni.

2. Sakhuana thil a punkhawmna, 'mitthi vuina, inneihna, sport inelna leh mipui punkhawmna hmunah, a bik takin zaihona leh mipui hma a thusawi laiin hmaituamna tha taka hman ngei tur a ni.

3. Puipunna leh sakhaw biak in leh hmun danga inkhawmna reng rengah social distancing dan zawm tur a ni.

4. Covid-19 hri a darh lohna turin activity phalna hmun neitu/thuneitu-te CAB/SOP khauh taka kengkawh turin beisei an ni.

5. Office leh dawr (a dangte) hmun a thuneitu ten faina leh thianghlimna vawn chungchangah mawh an phur ang. Beauty parlour, Spa, Gym, Lumehna dawr hmuna hmanraw hman ngun bikte chu a zing thei ang berin tihthianghlim (sanitise) thin tur a ni.

COVID APPROPRIATE BEHAVIOUR (CAB)

1. Midang nen kut leh kut intawk a in chibai loh tur.

2. Midang nen inhnaihchilh lovin feet 6-tala inkar hlata awm hram hram tur.

3. Puipunna leh vantlang hmunah hmaituamna hmanga hmui-hmai tuam tur.

4. Mit, hnar leh ka te khawih loh tur.

5. Khuh leh hahchhiau in hmai hup/tuam tur.

6. A khat tawkin sahbawn/hand-sanitizer hmanga kut tihfai thin tur.

7. Vantlang hmuna thil khawih fo thin te leh hmanraw hman ngun bikte chu tih thianghlim (sanitise) fo tur.

8. Chil leh khak chhak/pik mai mai loh tur.

9. Tul tak lovah chuan zin/len chhuah pumpelh tur.

10.Mipui punkhawmna pumpelh hram tur.

11.Hripui leng vanga rilru thlabar/phili/chiai te tan rilru lam mithiamte rawn thin tur.